JuHU Gruppen

[katrin]

Hallo zusammen!
Ich fände es interessant mal zu erfahren, in welchen JuHu Gruppen ihr trainiert! Wie lange seid ihr schon dabei und was arbeitet ihr so? Wäre toll, wenn ihr eure Gruppe ein bisschen vorstellen könntet.
Ich bin in der JuHu Gruppe von Burgdorf und das seit etwa anderthalb Jahren. Wir sind eine recht grosse Gruppe und haben vier Leiterinnen. Unser Trainingsschwerpunkt liegt beim RULE. Wir machen aber viele verschiedene Sachen. Auch finden jedes Jahr einige besonderen Anlässe statt, so wie zum Beispiel ein Mobility-Spieltag und ein Plauschparcour.

Liebe Grüsse Katrin

[jolene]

hallo katrin

ich bin bi minere mueter im jugend und hund und bin scho sit em afang debi. zerschd hend mir in chloote trainiert und jetzt trainiered mir im tobel hof (sc og züri). mir traieniered uf rule aber mached au ganz vill anderi sache wie zumbischbil spili und stafete. aber au Cc. mir hend 3 leiter und öbbe 12 chind ( ich weiss nöd genau wievill chind dass es sind). i eusere jugend und hund gruppe giz jedes jahr es pfingschdlager wo uuu lässig isch. das machemer aber zeme mit de jugend und hund gruppe vo de antonia. dass heisst das es immer abwechsligswiis im tobelhof und im jakobsbad isch.

[jen]

hallo katrin

I trainiere mitlerwile nüme i üsere Jugend u Hund Gruppe, i bi mitlerwile scho ds 3. Jahr Leiterin. Ha vorhär aber 6 jahr sälber i öisere Gruppe mittrainiert. Bi öis si im momänt ca. 18 Kind (letscht jahr sis 23 gsi, as paar hei aber d Lehr agfange oder hei a blöde neue Stundeplan becho) u mir si 5 Leiter. Das heisst im Momänt macht di einti Leitere as Jahr pouse u mir andere hei a üebigsplan ugstellt, so het ma einisch im Jahr 2 Training wo är oder si nid muess cho.

Zu öisem feste Programm ghört einisch im Jahr, auso geng afangs April a Mobilitywettkampf. Und im Summer organisiert üse Verein o geng a Plouschparcours oder a Biatlon für die Jugendleche.

Süsch trainiere mir uf ds Rule, mache viel Spieli u o so sache wie Dog Dancing chöme nid ds Churz. Mängisch lade mir o anderi Üebigsleiter i wo mau chöme mit de Jugendleche ihri Sportart cho trainiere. So hei mr scho Schutzdienst gmacht wo jedes o säuber mau het dörfe dr Ermu alegä u a guet usbildete Hund het dörfe la dribisse, oder mir hei scho Sanitätshundeüebige gmacht. Sogar a Wagehundefüehrer het mau zeigt was ma mit so ma Hund ono chönt mache. Nid jedes Jahr aber doch no viel mache mr a interni Jugend u Hund Prüefig wos sogar Pokale ds gwinne git. Das ganze natürlech nach Fähigkeite unterteut. Wär ja fies we eper wo scho lang mit sim Hund drbi isch gäge eis wo ersch sit churzem drbi isch würd starte.

Ir letschte gö mr o öpe mau aui zäme ana Plouschparcour vo anderne Vereine. U die wo scho über 16ni si gö o mau mit üs zwö jüngere Leiter (mini kollegi 22 u ig 21) i usgang.

Einisch im Jahr mache mr o mau öpis ohni Hund. Das heisst, entwäder go a Pizza ässe, ga a Coupe ässe oder ga bade.

Mir hei nume au 2 Wuche training drfür geng gad 2 Stund. Und im Winter tüe mr vo Dezämber bis März nid trainiere. Drfür mache süsch nie Ferie. Im Summer gits o mängisch lustigi training wo mr Leiter u Ching zäme nume so 5 oder 6 si, de tüe mir Leiter aube o mitmache u de wirds ersch rächt lustig.

Lager mache mir kenni. Mir hei eifach viel zweni zyt für as guets Lager ds organisiere, u so as halbpatzigs wei mir o nid mache.

Ou ja, was mir o nid mache isch Junior Handling u Canin Cross. Aber das si zwöi sache wo mir langsam am ifüehre si.

Auso hoffe i ghöre hie o chli meh vo anderne Gruppe, wüll us Leiter cha ma geng neui Idee bruche u as interessiert mi o was dir andere so machit.

[DS]

hallo jen

in welcher juhu-gruppe trainiert ihr denn?
und habt ihr auch eine homepage, damit man vielleicht etwas stöbern darf.

vielen dank für deinen ausführlichen bericht, den ich mit grossem interesse gelesen habe.

[jen]

Hallo ds

Wir trainieren in der Jugend und Hund Gruppe des KV Sensetal.

http://www.kvsensetal.ch

In dieser Seite ist auch ein kleiner Bereich Jugend und Hund integriert und in der Fotogalerie hat es bereits Fotos von uns.

Freuen uns über jeden Gästebucheintrag. Die Homepage ist noch im Aufbau, immerwieder reinschauen lohnt sich.

[Gast]

hallo Katrin
Ich trainiere beim HS Appenzell und das bald ein Jahr. Unser Taining ist abwechslungsreich. Wir trainieren in drei Gruppen am Montag abend. Manchmal machen wir einen Abend alle zusammen etwas. (z.b. Lawinenhundeübung)
Viele Grüsse Esther und Gonzo

[Gast]

hey
Ig bi itz sit öppä 6 Monät im KV Lyss ir J+H Gruppä.Mir si o ä rächt grossi Gruppä, weiss o nid grad wiä viu....Mir hei 4 Leiterinnä u si i 3 Gruppä ungerteilt! Mir hei im Summer rächt viu nöii becho(ig ghörä o drzuä ) , dr KV Lyss het drum so ä schnupper Namittag gha idä Summerferiä u itz hets sicher doppelt so viu Ching u Hüng wiä vorhär!

Ja wini scho gseit ha, gits 3 Gruppä... di erschtig Gruppä het 2 Leiterinnä u dert si eigentläch auäs nöii drbi, diä meischtä Hüng si rächt jung u d Ching o u hei vorhär no niä öppis zämä gmacht, abär äs si scho rächti Vortschrittä ds gseh...!

Ir 2. Gruppä si mir öppä 8 Jugendlichi mit üsnä Hüng u dert bi o ig drbi; bi zwar ono nöi abär ha z Glück ä Hung ds ha wo guät fougät u schnäu lernt! Ja mir hei dert chli auäs gmacht z.B Agilitygrät, Ungerordnig, Mobility u schüsch auäs müglächä!

Ja u när gits no di 3. Gruppä wos vorwiägänd settigi het wo scho rächt lang drbi si u itz im nöiä Jahr darf ig de o bi derä Gruppä mitmachä wüu mir schüsch chli ungerforderät si;-) nenei scho nid grad ungerforderät, aber mir chöi eigentläch scho auäs wo mer mis itz glernt hei....!

Äs git einisch im Jahr(immär idä Summerferiä) äs Summerlagär u ig fröiä mi scho extrem uf d Summerferiä we ig mit dr Pinta ds erschtä Lager darf erläbä!

Abär äs git gloubs 2mau im Jahr(bi nid ganz sicher....) äs Event ohni d Hüng. Vor dr Wiähnachtä hei mir im Klubhuus ä Winteralass gha, wo mir aui hei ä Steckbriäf über üs u üsi Hüng gstautät, äs Quiz gmacht hei u zämä hei z Nachtgässä...!
Si si gloubs o scho im Zirkus gsi und hei schüsch viu Sachä ungerno...

Mir trainierä 1mau ir Wuchä immer am Mittwuch Abä vo 18.00-19.15h ussert idä Feriä, abär das fingä ig mega schad, wüü denn ha ig am meischtä Zit

Ja ig cha numä eis sägä äs fägt mega i üserä Jugend und Hund Gruppä u ig cha aunä empfählä so öppis mit sim Hung ds machä......!

Lg Sabrina& Pinta

Ig ha no ä Frag a öich, wiä aut sit dir öppä?Was heit dir fürnä hung(was fürnä Rassä/Mischling, wiä aut ect....)? Wiä lang sit dir scho öppä drbi?


Ig bi 15ni u d Pinta isch ä Bergamasker,4j u extrem tämpramäntvoll, si chunnt mir mängisch chli vor wiä ä Border Collie!Si wot immer schaffä, lernt extrem gärn u schnäu u o ihri ganzi Art ufgweckt,munter u numä liäb!

[schöggäli]

Willkome da im Forum. Also ich bin 18-i und ich bin Hilfsleiterin i de JH-Gruppe im Tobelhof. Chum doch emal in Chat uf http://www.jugend-hund.ch

[Sabrina]

bi scho underwägs.......=)

[katrin]

Hallo Sabrina
Schön schribt wider mau öpper öppis i däm Forum!
Ig bi wid scho weisch, vo Burgdorf. I bi 16ni und hündele mit emne Rauhaardackel. Si wird das Jahr 4i und bis iz hei mer fangs Rule 1(no nach dr aute PO) und Rule 2(nach dr nöie) und e BH 1- Prüefig gmacht.
Was isch de dis Ziu? Hesch o vor Rule z mache?

Lg Katrin und Bim

[Cindy]

Hallo zusammen

Ich habe mit meinen 2 super Hilfsleiterinnen am 21. März 06 in unserem Verein SKG Dübendorf eine neue JUHU Gruppe eröffnet.
Mit 3 Kinder haben wir Angefangen und drei Wochen später haben wir schon 9 Kinder Super oder?
Es macht einfach megga Spass und die Kids sowie die Hunde sind voll begeistert.
Hoffe das es so weiter geht, habe nähmlich megga Spass mit den Kids zu arbeiten.

LG cindy